Бидний тухай

Худалдаа үйлдвэрлэлийн их сургуулийн товч түүх Манай улсын ууган сургуулиудын нэг болох Хоршооны түр сургууль 1924 онд байгуулагдсанаар одоогийн Худалдаа Үйлдвэрлэлийн Их Сургуулийн тулгын чулуу тавигджээ. Тус сургууль нь Монголын худалдаа, нийтийн хоол, түүхий эд бэлтгэлийн 40 гаруй мянган мэргэжилтэн бэлтгэсэн эрдмийн нэгэн уурхай билээ. ХҮИС нь:

  • 1924 онд Хоршооны түр сургууль
  • 1938 онд Худалдааны техникум
  • 1991 онд Зах зээлийн коллеж
  • 1996 онд Худалдаа Үйлдвэрлэлийн дээд сургууль
  • 2010 онд МУИС Худалдааны сургууль
  • 2013 онд МУИС-ийн Бизнесийн сургууль
  • 2017 онд Худалдаа Үйлдвэрлэлийн их сургууль болж өргөжин хөгжсөн түүхэн замналтай. Өнөөдөр тус сургууль:

30 шахуу анги кабинет бүхий хичээлийн 2 байр, 420 оюутан амьдрах дотуур байр, 40 мянга гаруй ном бүхий фонд, уншлагын 2 танхим, 300 гаруй оюутан хичээллэх лекцийн их танхим, орчин үеийн компьютерээр тоноглогдсон 2 лаборатори, улсын хэмжээний уралдаан тэмцээн явуулах боломж бүхий спорт заал, өнөөгийн шаардлагад нийцэхүйц 2 цайны газар, байгалийн үзэсгэлэнт “Туул голын” хөвөөн дээр байрласан “Харзтай”-н амралт, “Хөвсгөл усан зам” аялал жуулчлалын газартай. 2002 онд Баянхонгор аймагт салбар сургуулиа нээсэн. Манай эрдэмтэн багш нарын 38,5 хувь нь доктор цолтой. Нийт 1000 гаруй оюутнууд бакалаврын өдөр, орой, магистрантур, мэргэжлийн сургалт үйлдвэрлэлийн төвд суралцдаг.

cert

МАГАДЛАН ИТГЭМЖЛЭЛ

  • 2000 онд анхан шатны магадлан итгэмжлэл
  • 2007 онд 2 дахь шатны магадлан итгэмжлэл
  • 2009 онд хөтөлбөрийн магадлан итгэмжлэлд “Худалдааны менежмент” мэргэжлээр
  • 2019 онд тус тус магадлан итгэмжлэгдсэн их сургууль юм.

Улсын ууган гурван сургуулийн нэг болох Алтангадас одонт ХҮИС сургууль нь анх 1924 онд Хоршооны түр сургууль нэртэйгээр үүсгэн байгуулагджээ.

  • 1925-1931 онд Хоршооны сургууль
  • 1931-1937 онд Төв кооперативын сургууль
  • 1937-1952 онд Худалдааны техникум
  • 1952-1958 онд Хоршооны техникум
  • 1959-1991 онд Худалдааны техникум
  • 1991-1996 онд Зах зээлийн коллеж
  • 1996-2010 онд Худалдаа үйлдвэрлэлийн дээд сургууль
  • 2010-2013 онд МУИС-ийн Худалдааны сургууль
  • 2013 оноос МУИС-ийн Бизнесийн сургууль
  • 2017 оноос одоог хүртэл Худалдаа Үйлдвэрлэлийн Их Сургууль

болон өргөжиж, үйл ажиллагаагаа явуулж байна.

about

Мэдлэг, ур чадвараа нийгмийн баялгийг бүтээхэд зориулах худалдаа, үйлдвэрлэл, үйлчилгээ, бизнесийн салбарын шинийг санаачлагч, хөрвөх чадвартай манлайлагчдыг бэлтгэх, нийгэм, эдийн засгийн салбарт судалгаа, шинжилгээний чанартай бүтээгдэхүүн үйлдвэрлэхэд оршино.

goal

2025 он гэхэд худалдаа, үйлчилгээний технологи, бизнесийн сургалт, судалгааны түшиц Монгол улсдаа тэргүүлэх их сургууль болоход оршино

far

Худалдаа Үйлдвэрлэлийн их сургууль нь:

  • Улсын ууган сургууль
  • Худалдаа, үйлчилгээний салбарын түшиц сургууль
  • 40 000 гаруй төгсөгчтэй
  • Гарааны бизнес эхлүүлэх боломж
    • Хамтын оффис
    • Корпорацын инновацын төв
  • Ирээдүйн бизнес эрхлэгч “Энтрепренер” болох
  • Анхны ногоон сургууль
  • Шилдэг, мэргэжсэн профессор, багш нар
  • Хотын төвд хичээлийн хоёр байр, 420 ортой оюутны байр
  • Оюутны лигийн олон удаагийн аварга сагсан бөмбөгийн баг
  • Сарны танго бүжгийн хамтлаг

зэрэг суралцах бүх таатаай нөхцлийг бүрдүүлсэн сургууль юм.

ОЮУТАН

1-1