Тус МЭРГЭЖЛИЙН СУРГАЛТ ҮЙЛДВЭРЛЭЛИЙН ТӨВ нь анх Худалдаа, нийтийн хоолны салбарын ажилтан бэлтгэх зорилгоор 1969 онд Худалдааны техник мэргэжлийн сургууль нэртэйгээр байгуулагдан өдгөө 49 дах жилдээ үйл ажиллагаагаа тасралтгүй явуулж байна. Энэ хугацаанд худалдаа, нийтийн хоол, зочлох үйлчилгээний 12 мянга гаруй мэргэжилтэй ажилтан бэлтгэн гаргасан бөгөөд төгсөгчид маань салбарынхаа хөгжлийн хөтөч болсоор ирлээ. 2018-2019 оны хичээлийн жилийн элсэлтийн “Тогооч”, “Хангамжийн нярав” мэргэжлүүдээ Япон улсын “Эм Зэт Шокуику” групптэй хамтарсан хөтөлбөрөөр явуулж эхлэх гэж байна.

АЛСЫН ХАРАА

Олон улсын жишигт нийцсэн худалдаа, нийтийн хоолны салбарын хөгжлийн төв, нээлттэй, үлгэр жишээ сургалт үйлдвэрлэлийн төв болоход чиглэгдэнэ.

ЭРХЭМ ЗОРИЛГО

Зах зээлийн эрэлт хэрэгцээнд тулгуурласан дэлхийд үнэлэгдэх Монгол мэргэжилтэнг бэлтгэн мэдлэг ба зогсолтгүй шинэчлэлд тулгуурлан эх орныхоо эдийн засгийн хөгжилд хувь нэмэр оруулахад чиглэсэн нийгмийн хариуцлагатай, ёс зүйтэй, чадамжтай мэргэшсэн ажилтан бэлтгэхэд оршино.

ДАВУУ ТАЛ

  1. Худалдаа үйлдвэрлэлийн их сургуулийн МСҮТ нь төрийн өмчийн сургууль.
  2. Нарийн мэргэшсэн, хөрвөх чадамжтай багшлах бүрэлдэхүүнтэй.
  3. Мэргэжлийн хичээлүүдийг явуулах онол, дадлагын анги танхим, лабораторыг орчин үеийн техник хэрэгслээр бүрэн хангагдсан.
  4. Мэргэжлээрээ Худалдаа үйлдвэрлэлийн их сургуульд дэвшин суралцах боломжтой.
  5. Суралцах хугацаандаа сонгосон үндсэн мэргэжлээ эзэмшихийн зэрэгцээ төвийн сургалтын бусад чиглэлээр нэмж судлан үндсэн хугацаандаа 2-3 чадамж эзэмших боломжтой.
  6. Төв аймгийн Эрдэнэ сумын нутаг дэвсгэрт байрлах “Харзтай” сургалт, дадлагын бааз газартай.
  7. Худалдаа үйлдвэрлэлийн их сургуулийн номын сангаар үйлчлүүлэх.
  8. Оюутны дотуур байранд үнэ төлбөргүй суух боломжтой. (хөдөө орон нутгаас ирсэн суралцагчид)

МЭРГЭЖЛИЙН БОЛОВСРОЛЫН ХӨТӨЛБӨРИЙН ЧИГЛЭЛҮҮД

  1. Тогооч SO 5120 – 11 – Мэргэжлийн зориулалт: “Тогооч” мэргэжлээр төгсөгч нь хоол үйлдвэрлэл, үйлчилгээ, аялал жуулчлалын салбарт ерөнхий болон тогоочоор ажиллана.
  1. Хангамжийн нярав, BT 4321 – 17 – Мэргэжлийн зориулалт: “Хангамжийн нярав”, мэргэжлээр төгсөгч нь худалдаа үйлчилгээ, бөөний ба жижиглэн худалдааны бүх цэг салбаруудад худалдагч, касс, няраваар ажиллана.
  1. Компьютерийн операторч – Албан хэргийн ажилтан IO 4120 – 13 – Мэргэжлийн зориулалт: “Компьютерийн операторч – Албан хэргийн ажилтан” нь төрийн байгууллага, үйлдвэр үйлчилгээ, бүхий л байгууллага, лавлах төвүүдэд ажиллана. Мөн албан байгууллагын бичиг хэрэг, архивын ажилтнаар ажиллана.
  1. Нягтлан бодохын бүртгэл, тооцооны ажилтан BT 4311 – 14 – Мэргэжлийн зориулалт: “Нягтлан бодох бүртгэл, тооцооны ажилтан мэргэжлээр төгсөгч нь байгууллага, аж ахуйн нэгжид санхүү, бүртгэл тооцооны ажилтнаар ажиллах боломжтой.
  1. “Зөөгч бармен” IF 5131 – 11 – Мэргэжлийн зориулалт: Өндөр зэрэглэлийн зочид буудал, ресторан, кафе, олон үндэстний зоогийн газар, онгоцны буудал зэрэг хоолны газруудад ажиллана.
  1. Борлуулалт, зар сурталчилгааны ажилтан BT 5242 – 13 – Борлуулалт зар сурталчилгааны ажилтан мэргэжлээр төгсөгч нь үйлдвэрлэл, худалдаа, үйлчилгээний байгууллагад борлуулалтын ажилтнаар ажиллахаас гадна, аж ахуй нэгжийн зар сурталчилгааг хариуцан ажиллана.

Оюутны хөгжилд

Эрүүл мэндийг дэмжих үйлчилгээ – Худалдаа үйлдвэрлэлийн их сургуулийн хамтран ажилладаг эмнэлэгт МСҮТ-ийн оюутнуудад эрүүл мэндийн болон эмнэлгийн анхан шатны тусламж, үйлчилгээг үзүүлнэ.

Хөдөлмөр эрхлэлт – Оюутнуудад хөдөлмөр эрхлэлт болон түүнтэй холбоотой асуудлаар зөвлөгөө өгөх болон цагийн ажлын байрны талаар мэдээллээр хангах зуучлах, төгсөгчдийн ажлын байрны судалгаа хийж, ажлаар хангахад туслана. Нийтийн тээврээр үнэгүй зорчих, даатгал, нийгмийн халамжийн үйлчилгээнд хамрагдах, оюутны клуб, сайн дурын арга хэмжээнд хамрагдан хөгжих бололцоо олгоно.

Оюутны хөгжил, төлөвшил – Соёл, урлаг, спорт аялал, чөлөөт цаг, олон нийтийн үйл ажиллагаа, мэргжлийн салбартаа олон улсын хэмжээний уралдаан тэмцээнд бэлтгэж оролцуулдаг.

ЭЛСЭГЧДЭД ТАВИГДАХ ШААРДЛАГА
“БҮРЭН ДУНД БОЛОВСРОЛ” НАСАНД ХҮРЭГЧДЭД
МСҮТ-ИЙН ЭЛСЭЛТИЙН ЖУРАМ 2018-2019 оны хичээлийн жил

ЕРӨНХИЙ ЗҮЙЛ

  1. Худалдаа үйлдвэрлэлийн их сургуулийн “Оюутан элсүүлэх журам”-ын дагуу МСҮТ-д оюутан элсүүлнэ.
  2. Элсэлтийн комисс элсэлтийн ажлыг удирдан зохион байгуулна.
  3. Элсэлттэй холбоотой мэдээллийг лавлах зүйл гарвал dmonkhnasan@yahoo.com, hulantso@yahoo.com электрон шуудангийн хàягаар хандаж болно.

ЭЛСЭГЧДИЙН БҮРДҮҮЛЭХ МАТЕРИАЛ

  1. Боловсролын гэрчилгээ
  2. Хувийн хэрэг
  3. Цээж зураг 2 % /3х4 хэмжээтэй/
  4. Иргэний үнэмлэх

ЭЛСЭХИЙГ ХҮСЭГЧДИЙН ӨРГӨДӨЛ ХҮЛЭЭН АВАХ

  1. Улаанбаатар хотын элсэгчид өргөдлөө өөрийн биеэр доор дурьдсан хугацаанд авчирч өгнө.
  2. Аймаг, орон нутгаас Улаанбаатар хотын хяналтын тоонд багтан элсэхийг хүсэгч доорхи хаягаар 2018 оны 08 сарын 25- ны өдрийн дотор өргөдөл, материалаа ирүүлж болно.

БҮРТГЭХ ХУГАЦАА
Хаврын элсэлт: 2018 оны 6 сарын 25-наас 7 сарын 5 хүртэл
Намрын элсэлт: 2018 оны 8 сарын 15-наас 09 сарын 15 хүртэл
Хаяг: Улаанбаатар 210648, Сүхбаатар дүүрэг, 8-р хороо, Оюутны гудамж 14/3, Худалдаа үйлдвэрлэлийн их сургуулийн хичээлийн 1 байр 111 тоот
Утас: (976) 7511-8989
Утас: 99082189, 89894854, 99164919, 99052318
И-мэйл: hulantso@yahoo.com, dmonkhnasan@yahoo.com
Вэб: http://nucb.edu.mn
FB page: https://facebook.com/nucb.edu/