ДЭЭД БОЛОВСРОЛЫН СУРГАЛТЫН ХӨТӨЛБӨРИЙН УРЬДЧИЛСАН МАГАДЛАН ИТГЭМЖЛЭЛ ЦУВРАЛ СУРГАЛТУУД ЗОХИОН БАЙГУУЛАГДЛАА.
Тус их сургууль нь БМИҮЗ-д шинээр докторын хоёр, бакалаврын нэг хөтөлбөр нээхээр хөтөлбөрийн урьдчилсан магадлан итгэмжлэлд орох хүсэлтээ илэрхийлж, улмаар гэрээ байгуулаад байгаа юм. Энэ гэрээний хүрээнд манай сургуулийн багш, ажилтнуудад зориулан БМИҮЗ-ийн ажлын албаны мэргэжилтнүүд 2020 оны 12-р сарын 2-нд “Магадлан итгэмжлэл, түүний үйл явц, ач холбогдол”, мөн сарын 9-нд “Дээд боловсролын сургалтын хөтөлбөрийн урьдчилсан магадлан итгэмжлэл”, “Докторын хөтөлбөрийн урьдчилсан магадлан итгэмжлэлийн тайланг бичих” зэрэг сэдвүүдээр цуврал сургалтууд зохион байгууллаа. Эдгээр цуврал сургалтад Худалдаа, маркетингийн тэнхим болон Эрх зүй нийгмийн ухааны тэнхмийн багш нар, туслах ажилтнууд, сургалтын алба, номын сан, МТА зэрэг бүтцийн нэгжүүдийн төлөөлөл хамрагдлаа.
